Política de Privacidade das Apps Delta Chat

A Regulación Xeral de Proteción de Datos (GDPR) é considerada como a lexislación máis avanzada respecto da proteción da privacidade das usuarias. Nesta páxina podes ver con detalle o xeito en que a app Delta Chat e o sitio web cumpren cos requerimentos da GDPR.

Implementa o requerimento de “Privacidade por Deseño” da GDPR, a través de
Confidencialidade: cifrado extremo-a-extremo cando é posible, grazas a Autocrypt Level 1.
Minimizar Datos: non sube o contido da libreta de enderezos.
Evita os datos: Non hai servidor Delta Chat que procese datos personais.
Non precisa ningún consentimento (artigo 7 GDPR) das usuarias ou os seus contactos (suxeitos dos datos), porque non se transmite ningún dato da libreta de enderezos.
Pode usarse sen precisar un contrato ou instruccións de ningún controlador (ou organización), porque non hai terceiras partes que procesen os datos personais relativos ao email.

Non crea requerimentos adicionais de información para o controlador dos datos a través de suxeitos directos ou indirectos relativos a recollida de datos da libreta de enderezos, artigo 13, 14 GDPR.
Non precisa Delta Chat realice recoñecemento do impacto da protección de datos (artigo 35 GDPR) porque non procesa datos adicionais suplementarios máis alá do envío de emails.
Engadindo as medidas de privacidade de Delta Chat á gravación das actividades de procesado pode ter un impacto positivo na posible documentación de probas, (artigo 30 GDPR) e tamén no proceso de certificación de protección de datos, artigo 25 (3), 42 GDPR.
O rexistro de actividades de proceso ligadas as comunicacións de mensaxería está reducida a identificar o provedor de email e rexistrar as súas actividades, artigo 30 (2) GDPR.
Os riscos restantes sobre os dereitos e liberdades das persoas naturais están normalmente limitados ao procesado de datos das comunicacións polo controlador e os provedores de email.

Esta declaración refírese a General Data Protection Regulation (GDPR) na versión 16.05.2018.

Datos de localización

Se compartes a túa localización nun chat, estos datos son tratados como calquera outra mensaxe. Delta Chat utiizará a túa localización para amosala a outras persoas que participen na conversa.

Os datos de localización son recollidos incluso cando a app está pechada ou non se está a utilizar – durante todo o tempo que teñas esta función activada.

Política de Privacidade para as visitas ao sitio web

Estado: 21 de xaneiro, 2020

En Delta.Chat, asegurámonos de que non só a nosa aplicación se non tamén o sitio web Delta.Chat cumpren coa normativa europea de Regulación Xeral de Proteción de Datos (2016/679). Deste xeito, minimizamos o procesado dos teus datos ao mínimo preciso (Privacidade por Deseño).

Información xeral

O sitio web Delta.Chat non utiliza cookies de terceiros, servizos de análise da web, servizos de publicidade ou márquetin de terceiros e tampouco utiliza complementos de redes sociais. O proceso dos datos limítase ao contacto voluntario por email.

Persoa responsable

A persoa responsable do procesado dos datos desta web en termos da DSGVO e outras leis nacionais de proteción de datos dos estados membros e tamén de outras regulación de proteción de datos é

Merlinux GmbH
Reichgrafen Str. 20 
79102 Freiburg

O teu enderezo de contacto para temas de privacidade en Delta.Chat:

delta-privacy@merlinux.eu

Listas de correo Delta

Cando te subscribes voluntariamente á lista de correo de Delta, o teu enderezo de email que escribes, o enderezo IP da túa computadora, a data e hora do rexistro son transmitidas. O procesado destos datos ten como único propósito procesar os contactos e distribuír as comunicacións públicas da comunidade. Como acostuma a acontecer con proxectos de código aberto, as mensaxes compartidas tamén se poden atopar en arquivos públicos. A base legal para o procesamento con consentimento é o artigo Art. 6 lit. a GDPR. Os enderezos de email das usuarias só se gardan mentras a subscrición á lista está activa. Ao dar de baixa a subscrición de calquera lista será posible a revogación do consentimento.

Dereitos de persoas afectadas

Podes solicitarlle a Delta.Chat se está a procesar os teus datos e de que xeito. Tes o dereito a obxetar deste procesado, que ten lugar en base ao Artigo 6 I lit.e ou lit.f GDPR. Se o procesado é incorrecto ou incorrecto, tes dereito de rectificación/completado, cancelación e, se fose preciso, restrición do procesado. Tamén podes revogar a declaración de consentimento da lista de correo en calquera momento. Tamén tes dereito a recibir os datos dun xeito estruturado e lexible en formato entendible por máquina e o dereito a reclamar ante as autoridades supervisoras.

Enmendas á política de privacidade

Reservamos o dereito a actualizar a presente regulación de proteción de datos ante a situación de continuos cambios legais e técnicos.